14 სექტემბერს, სოლიდარობის თემმა გამართა საჯარო დისკუსია თემაზე: “ქართველი მუსლიმი თემის გამოწვევები და პოლიტიკური დღის წესრიგი”.
შეხვედრა გაიმართა ორ პანელად:
პირველ პანელზე, პოლიტიკურ პარტიებს შესაძლებლობა ჰქონდათ გაეზიარებინათ მათი ხედვები მუსლიმ თემთან დაკავშირებით: პრობლემის აღქმა, დღის წესრიგი და სამომავლო გეგმები.
მეორე პანელი კი დაეთმო მუსლიმი თემის ხმას: სადაც მომხსენებლებმა ისაუბრეს თავისუფლების მეჩეთთან დაკავშირებულ გამოწვევებზე და მუსლიმი თემის თვითორგანიზებაზე, მუსლიმ მოღვაწეებზე და მათ მნიშვნელობაზე ზოგად პოლიტიკურ დღის წესრიგში, მუსლიმი ქალების გამოწვევები, სოფლად მცხოვრები ქალები და მუსლიმი თემი ბოლო 10 წლის განმავლობაში (რელიგიური ნიშნით დაპირისპირებები და არსებული მდგომარეობა).
ბოლოს კი გაიმართა დისკუსია, სადაც მომხსენებლებს, ადგილობრივ მოსახლეობასა და აქტივისტებს, საშუალება ჰქონდათ ერთმანეთისთვის გაეზიარებინათ საკუთარი მოსაზრებები და დაესვათ კითხვები ქართველი მუსლიმების პრობლემებისა და საჭიროებების შესახებ.